«Жарқыра, жас маман» онкүндік

№44 Жалпы орта білім беретін мектеп- гимназиясында  «Жарқыра, жас маман» тақырыбында жас мамандар онкүндігінің салтанатты ашылуы өтті. Іс-шараның басты мақсаты – жас ұстаздардың кәсіби шеберлігін арттыру, олардың шығармашылық әлеуетін ашу және тәжірибе алмасуына мүмкіндік жасау.

Іс-шара аясында түрлі таныстырулар, тренингтер мен шеберлік сағаттары жоспарланғаны хабарланды. Жас мамандар өздерін таныстырып, алдағы жоспарларымен бөлісті. Ашылу рәсімі көтеріңкі көңіл-күйде өтіп, қатысушыларға жаңа серпін мен шабыт сыйлады.

Алдағы онкүндік барысында жас мамандардың кәсіби дамуына бағытталған бірқатар мазмұнды іс-шаралар ұйымдастырылып, олардың білім беру үдерісіндегі белсенділігі мен жаңашылдығы кеңінен көрініс табады деп күтілуде.