“Сабақ процесінде STEM технологиясын қолдану арқылы бастауыш сынып білім алушыларының сыни ойлауын дамыту” аудандық семинар

2024 жылы 20 ақпан күні №44 жалпы орта білім беретін мектебінде “Сабақ процесінде STEM технологиясын қолдану арқылы бастауыш сынып білім алушыларының сыни ойлауын дамыту” тақырыбында аудандық семинар өтілді. Мақсаты: STEM  технологиясын  қолдану арқылы  білім алушылардың  сыни ойлауын дамыта отырып, пәндік құзыреттіліктерін дамыту.
         Семинарға білім бөлімінің әдіскері Л.К.Абенова, аудан мектептерінен педагогтар және онлайн форматта «Өрлеу»-Жамбыл  қызметкері, аға оқытушы Андия Беисенкулова  қатысты. Семинардың практикалық бөлімінде мұғалімдер: Ш.Б.Байдаулетова, М.М.Ахметова, В.В. Полюшко, Е.М. Хамирова  пәнаралық байланыстарды айқындап бірнеше тәжірибелік сабақатарда STEM технологиясын қолдана отырып  өз іс-тәжірибелерімен бөлісті. 
        «Тәжірибе алаңы» барысында білім алушылардың жасаған қол өнер, зерттеу жұмыстары, тәжірибе жасау жұмыстарымен танысты. «Біз өнерлі баламыз!» атты іс-шара ұйымдастырылып, балалардың өнерлерін тамашалады.
        Қорытынды  бөлімінде семинарға қатысушылар мектеп директоры мен бастауыш сынып мұғалімдеріне алғыстарын білдіріп, облыс көлемінде іс-тәжірибелерін тарату ұсынылды.