"Дарынды және талантты балалармен жұмыс жасаудың маңыздылығы неде?" коучинг

Білім алушының бойындағы туа біткен ерекше қабілетті, дарындылықты тани білу, оның  одан әрі дамуына бағыт-бағдар бере білу - ерекше қиын іс. Дегенмен, әр баланың жеке қабілетін анықтап, оны сол бағытқа жетелеу, шыңдау- ұстаз парызы. Міне, сол парызды дұрыс атқару мақсатында 9 қараша күні ұстаздар үшін мектеп директоры Болатбек Тәңірбергенұлы "Дарынды және талантты балалармен жұмыс жасаудың маңыздылығы неде?"деген тақырыпта коучинг өткізді. Коучинг мақсаты: дарынды және талантты балаларды анықтау мен жағдай жасаудың тиімді жолдарын бірлесе қарастыру. Мәселелерді бірлесіп шешуге, идеялармен алмасуға үйрету. 
   Дарынды және талантты балаларды анықтай алу арқылы олардың қабілеттерін әрі қарай дамытуға көмектесу үшін мектеп ұстаздары бір бірімен тәжірибе алмасты.